你話似唔似？

都幾好吖，起碼都似幾多靚女啫！:)

一向我都是一個頗容易被情緒影響的人。人家說有什麼不好，即使不真的是說我的不是，我也會不開心半天。

我想，是因為對自己沒信心吧。

收到一個家長的電話，問有關升學講座的資料（絕大部份的講座都是我負責的）。問完了，就說：「其實我都唔想嚟聽講座。」

咁你又問？

不過不開心也只是一瞬間的事，過一分鐘已經OK了。因為遇過太多不可思議的人與事，這樣被影響情緒實在不化算。

Just have to learn how to not take things too personal.

小妹中文名叫「李文絢」，當然，嫁咗之後家陣就變咗姓「陳」啦... 我有諗過㗎，以前係May Li 嘅時候，因為呢個世界實在太多May Li，求其擲塊石頭都掟中三四個，咁平凡，第時搵男仔一定要搵番個姓氏特別啲嘅...點知姓馮姓鄭姓蔡姓楊姓侯姓江姓譚全部通通唔過電，就係搵正個姓陳嘅，而家喺街度（我係講溫哥華）隨便叫聲May Chan到有十零廿個人望住你... 你話吖，世事真係十分奇妙...

講番我個中文名啦，乜解究要叫做「文絢」呢？其實個名係我呀爸同啲 Friend 一齊改嘅。本來我老豆就諗，因為我家姐都係用個「文」字做中間字，咁就繼續用啦。至於最後個字，我家姐係用一種雀仔名嘅，所以老豆都係想向呢個方面諗。咁點呢？「文燕」？「文鵝」？「文鷗」？定係「文鳯」呢？個個名聽落都唔係好順耳。終於有個 Uncle 就話：「er，其實都唔駛一定用雀名嘅...」真係多謝哂！終於呢班甚有文采嘅 Uncle 們就幫我改咗「文絢」呢個名，意思即係「寫文章好正，文筆一流」咁解。

其實都唔知有幾 true，因為我小學中學嘅作文分數都好低... 不過無論如何，我都好鐘意我個名，I love my name!

創作無聊歌詞亦係我其中一個興趣：

余家歌（用「我歌故我在」Chorus 的音樂。）

余一，余相，魚蛋，魚漿，
要盡唱懾人的「魚」...

（只得兩句，唔好意思。不果我諗Alan唔會介意...）

姓名：May Chan
性別：女 (...)
原產地：香港
幾時嚟加拿大：中學時期啦
最喜愛本地組合：The Jubilant (YEAH!!!)
最喜愛外國組合：Soler（算唔算呢？）
最喜愛動物：貓
最喜愛皮膚顏色：深色，越深越好（所以鐘意夏天）
（暫時）最有智慧的說話：四歲生日屋企人帶我去行街街，阿媽要拖住我過馬路嘅時候我一手鬆開佢，然後同佢講：「我唔駛人拖㗎啦！我已經唔係三歲細路哥，我大個女㗎啦！」

光頭的我... 個頭真係發光㗎！

好似係去探婆婆。我最鐘意扮鬼臉！

我好靚我好靚我好靚

大個女啦！係咪lady咗好多呢？