今日，老細，阿榮，仲有阿Long都分別去咗唔同嘅營會，我哋嘅暑期Intern又去咗Camp，本來Jodie會返嚟，但係突然病咗返唔到工。

所以，全日就只得我 ﹣阿May，同埋毛毛喺個Office度嘞。

感覺好...靜...

...其實都唔只我哋嘅，朝頭早到下午都有義工嚟做嘢。

睇吓！佢哋做咗幾個星期嘅Project終於搞掂啦！（想知道呢張poster係乜？遲啲話你知！)

另外，左治都嚟咗mix我哋霹啪959嘅環節嘅：

等陣仲有Patrick嚟同我哋錄音㖭！

我同毛毛都好努力做自己嘢㗎！

我就一路聯絡緊啲補習老師同埋學生，仲有諗緊啲霹啪959廣告，同埋cut番上兩個星期Coffee House啲歌出嚟，

而毛生就係咁打電話（為公事嘅，放心！)

...所以，嚴格嚟講都唔可以話office好靜嘅... 不過個感覺真係好...靜囉...