霹啪959: July 2008 Archives

« June 2008 | Home | August 2008 »

小榮子【沒有朱古力的日子】 ...續

自從發現無論買咖啡、食蛋糕、叫甜品、食雪糕都被朱古力牽涉著，
我依然驚訝著還有多麼的【唔食得】。

Pocky 拍力枝！！

明治朱古力!!

連Kitkat都要放棄...

Posted by 霹啪959 Host | Permalink | Comments (0)

本週主題：留學生烹飪秘笈

本集精彩內容：
• Alan留給阿可的farewell禮物：留學生烹飪秘笈
• 點樣煮「健康」的即食麵（不用過冷河）？
• 無電飯煲點樣煮飯？
• 煲粥黏底點算？
• 點樣方便地食多啲菜？
• 仲有可以放在雪櫃很多天的各種好易整肉類！從麵送飯送粥都一流！

霹啪博落去：見工與返工（主持: DK & Maggie）
普洱咖啡凍奶茶：人際網絡（主持：Patrick）
雜崩能閱讀報告：你講道再無改善我就走（主持：Alan）
959專業戀愛維修服務中心：關顧舊男友的新女友（主持：阿Long & Pastor Sam）

主持：Alan。阿可。Momo

更多Alan的私房食譜：自煮C房的秘密食譜檔案

Posted by Alan | Permalink | Comments (0)

小榮子【沒有朱古力的日子】

續上次雀躍體驗【逆旅】，我們挑戰當中的弟兄姊妹們為神放棄一樣嘢：
一樣對你有一定程度嘅重要性，
一樣對你生活會產生某方面嘅影響，
但唔係一啲每日生活嘅必須品。

你不能夠為神唔呼吸，唔飲水。但係你絕對能夠為神放棄睇電視連續劇、食甜品、買玩具。。。

明顯的，阿榮所為神放棄係朱古力。

就算係認識我嘅人都未必知道我有幾鐘意食朱古力，
因甚至連我親妹也詫異我對朱古力的吸引力；
我相信也只有我女朋友，和每日同我一齊返工的使者同工們知道。

我同朱古力，當中所維繫著的，並唔係一段簡單直接嘅關係。
而可算「糾纏不清」。

原因係我真的比較少買一排排嘅朱古力bar食，
有的也多數係因女朋友知我鐘意而買給我的。
「糾纏不清」係因為朱古力其實係纏繞著我生活的每部份：
去星鹿咖啡店叫杯 Grande Quad-shot No-whip ½-full Mocha Valencia
或者一杯 Tall PepperMint White Chocolate Mocha Chip Frappuccino，
順便買個 low-fat Banana Chocolate Coffee Cake。
同朋友出街食飯：「Yes, can I get the Roasted Duck Breast in a Cocoa demi-glaze」。
食完飯叫一件 Marble Cheesecake 甜品。
去到雪糕店，「唔該，Single scope Rocky Road in a waffle cone」。
去到珍珠奶茶餐廳，「薄荷朱古力奶茶，加珍珠」。

其實，未做這個決定以前並唔知道原來生活中有這大部份係同朱古力維繫著。
雀躍體驗晚上，當 Alan 站在台上，挑戰台下各弟兄姊妹們
為神放棄一樣對我有一定程度嘅重要性、對我生活會產生某方面嘅影響嘅嘢時，
在我腦海中有兩樣嘢浮現：朱古力。咖啡。

係呀，唔係買玩具，唔係機動戰士高達！
原因係因為買玩具，買模型，已經早早為著生活上其他更重要嘅支出而放棄了。

為要儲錢、換車、結婚，買玩具也隨著自己的成長變成奢侈品。

雖然久唔久都會繼續去睇玩具，但係就真係只會睇。
望梅止渴...
好難㗎！有時見到啲真係好靚，好想要。但係要控制住自己。
以前會儲不同系列嘅高達模型玩具：單單只係扭蛋，都應該有三百個。
仲有BB戰士、HCM Pro、HGUC、Fix Figure、MG、PG...... 每款都有，樣樣有份。

講番朱古力同咖啡。
其實點解我願意放棄朱古力唔放棄咖啡完全係因為我驚我會失敗。
咖啡比起朱古力係我生命中嘅地位實在太重要。
放棄一樣好好味嘅甜品比起放棄每朝幫我提神嘅咖啡一定容易。
而我相信，假如我選擇咗咖啡，我要持守唔飲咖啡這個誠諾只會係我生命帶嚟更多壓力。

而這絕對影響我甘心為神放棄這個心。
但咁係咪即係我放棄朱古力係冇感覺、冇反應？
決對不是！！
只係比較上容易接受；比較上more bearable, more livable.

【逆旅】當晚，Alan叫我哋為會放棄嘅嘢俾個timeline；
一段嘅時間去實行呢個決定。
而我【沒有朱古力的日子】仲有一年半。
嚟緊嘅日子會唔會好難渡過？唔知㗎！
但係同其他好多當晚同樣為神放棄咗一啲嘢嘅弟兄姊妹一樣，
「我靠著那加給我能力的，凡事都能作。」

Posted by 霹啪959 Host | Permalink | Comments (0)

本週主題：宅男/乾物女現象

下載

本集精彩內容：
• Momo & Jodie 教潮語：宅男/乾物女
• 你是個「宅男」嗎？
• 小小「宅男指數」測試

霹啪博落去：路上人（主持: Kit）
普洱咖啡凍奶茶：中國功夫（主持：Patrick）
雜崩能閱讀報告：潮流版（主持：Alan）
959專業戀愛維修服務中心：可以同男友單獨去旅行嗎？（主持：阿Long & Pastor Sam）

主持：阿Long。Jodie。Momo

Posted by 霹啪959 Host | Permalink | Comments (0)

性戰 ﹣情慾社會裡的基督徒生活

使者《整全門徒訓練》I.D.zone 最新講座:

性

一向不可講，不可問，不可聽
但又卻影響我們每一個有血有肉的人。
作為基督徒，又要用什麼的態度來面對性？
要知道，有許多基督徒因性而跌倒 …
你又會怎樣打這場既敏感又貼身的性戰呢？

講座內容包括：
- 性在你生命中的力量
- 在男女眼中對性的不同看法
- 性會用什麼方法來矇騙我們？
- 聖經對性的看法又是什麼？

時間: 8月9日星期六 1:30-4:30pm
地點: 使者 I.D.zone
講員: 張朗妍小姐及余子麟先生
費用: 每位$15, C-Roommate會員免費
適合所有青年人參加
截止報名: 8月7日星期四 (如報名人數少於 6 人﹐該課程將會取消)

報名及查詢請電 604.278.0642 或電郵到 info@afcvancouver. org

Posted by MoMo | Permalink | Comments (0)

本週主題：禁食 • 一種屬靈的操練

下載

本集精彩內容：
• 雀躍體驗後記 - 你捨棄咗啲乜？
• 阿榮【沒有朱古力的日子】
• 禁食其實係一樣乜嚟㗎？
• 禁食係咪舊約先有㗎？點解而家好少聽人講。

霹啪博落去：大學生（主持: Mandy / Arnold）
普洱咖啡凍奶茶： WALL•E（主持：阿中） BLOG
雜崩能閱讀報告：二手餸的恩典（主持：Alan） BLOG
959專業戀愛維修服務中心：可唔可以錫錫？（主持：阿Long & Pastor Sam）

主持：阿榮，阿Long，老爺占

Posted by 霹啪959 Host | Permalink | Comments (0)

唔知你知唔知...

我哋又做咗個小工程啦！

今次係將我哋本來封咗嘅一幅牆又整番穿佢，即係而家直接可以由辦公室一開門就入到會議室，唔使兜圈。

開牆之後

將要鑲上去嘅門（其實有啲爛㗎...你嚟睇吓就知㗎啦）

...阿亮你做緊乜？

搞掂啦！

仲起得以前開會嘅時候，如果要叫人由Office入Conference Room，就要敲牆敲密碼（通常係三長兩短哈哈！）而家就咁嗌就得啦！幾方便！

Posted by 阿May | Permalink | Comments (0)

下次請早

因今個星期六嘅I.D. Zone Workshop 之 Good Sense – 聖經為本的實戰理財策略, 喺截止日期前(剛剛過去嘅星期四)無足夠人數報名, 所以我哋決定取消.

但係喺星期五同埋今日, 都有好多人打嚟或電郵嚟報名呢個workshop, 但係無論係facebook, pp959網頁, e-newsletter甚至係霹啪九五九電台節目嘅宣傳裡面, 我哋都明明話星期四係截止日期, 點解星期五同今日會收到咁多報名電話嘅??

其實, 如果大家早啲打嚟或者電郵嚟, 呢個workshop就唔會取消, 咁大家都可以上到呢堂咁好嘅ID Zone啦。

我哋要set定個截止日期, 係因為講員需要時間準備, 。如果預先知道有幾多人數嘅話, 就可以知道用咩形式進行, 同埋預備好materials俾你哋. 你諗吓，如果講員預備好, 但係結果無人參加, 真係好可惜.

所以希望大家明白, 下次早啲報名啦, 。唔駛等到截止嗰日先報名架, 一出宣傳就可以報名架啦!!!

橫掂都係，等我都喺度宣傳嚟緊8月9日星期六嘅 I.D. Zone Workshop

之

Sex Culture: 性戰 -情慾社會裡的基督徒生活

請聽聽以下嘅宣傳聲帶:

截止報名日期: 8月7日星期四

請記住而家已經可以報名架啦!! 快啲打電話到604-278-0642或電郵info@afcvancouver.org報名啦！

Posted by Jodie | Permalink | Comments (0)

New and Notable

雜崩能閱讀報告podcast，登上iTunes "New and Notable" 被介紹。Yeah!

JBL%20on%20iTunes.jpg

JBL%20on%20iTunes%202.jpg

JBL%20on%20iTunes%203.jpg

Posted by Alan | Permalink | Comments (1)

本週主題：年青人理財策略

下載

本集精彩內容：
• 不懂得理財，後果嚴重！
• 申請信用咭原來好重要
• 點樣開始儲錢？點樣會多D息？
• 少少錢都可以投資

霹啪博落去：投資．無知（主持：DK，Mandy）
普洱咖啡凍奶茶：歐洲盃的啟示（主持：Patrick）
雜崩能閱讀報告：另類信經（主持：Alan）
959專業戀愛維修服務中心：再見不是男朋友（主持：阿Long & Pastor Sam）

主持：阿可。Alan。余智美
訪問嘉賓：銀行客戶經理 Winnie

Posted by Alan | Permalink | Comments (0)

「新一代」

最新一期嘅「新一代」已經出版了！

內容包括：

消費者懺悔錄

不能退貨的婚姻

Existing in Both Sides of the Fence

逆旅 - 正面迎向對立的恐嚇

男友上鹹網，怎辦？

我們生活在一個以消費來叫生命豐盛的世界中。

我們消耗的，不只是地球資源，還是許多人的血汗與眼淚。

下載

Posted by 霹啪959 Host | Permalink | Comments (0)

959經典Jingle！

最近（又係最近，哈哈）有人同我講，話好鐘意我地以前清唱的那個Jingle。嘩！四年前啦！不過有人記得，我都好開心。查實，隻Jingle係阿May的傑作，由作曲填詞編曲到錄音混音一腳踢，係咪好有才華呢！不如一齊重溫吓啦！

Posted by Alan | Permalink | Comments (0)

環節獨立播客 Segments on Individual Podcasts

最近有一些人向我們反映，說我們的幾個新環節「霹啪博落去」（由年青人分響生活點滴），「普洱．咖啡．凍奶茶」（時事，職場和文化反省），「雜崩能閱讀報告」（Alan對社會的觀察與分析）和「959專業戀愛維修服務中心」（愛情問題解答）內容吸引，是信徒生活的屬靈資源。不過，有時想重溫某一集的某環節，就一定要下載整集節目，fast forward慢慢找，很不方便。

我們當然會從善如流。現在開始，這四個環節都會以獨立podcast的形式在iTunes出現，於是你不單可以在iTunes上一覽每個環節每週的主題，還可以獨立下載每個環節，更可以subscribe功能來自動更新。只要click以下的結連，就可以到達iTunes上各環節的專頁了！