話說佢同個朋友諗住出一分力，走去Canadian Blood Services捐血，亦都支持吓我哋使者嘅Partners For life行動啦，點知嗰度嘅負責人一見到佢哋，就話佢哋唔合資格捐血嘞！

其實阿Ca不嬲都唔係好合資格捐血㗎啦...大家見過佢都知道其實佢都好瘦㗎啦，咁我哋呢度如果要捐血嘅話，體重最少都要110磅㗎嘛，阿Ca就算著哂厚衫都唔夠啦。

但係以前去捐血，啲人都無咁嚴話一定唔得㗎喎！阿Ca都試過同我去捐血㗎啦...

嗱，唔信你睇吓...

原來而家因為血庫嘅需求大咗，所以每一次有人捐血，加拿大血液中心嘅朋友從donor身上都會抽出比以前更多嘅血。所以為咗捐血人士嘅身體著想，佢哋就要求捐血者有更好嘅身體...或者應該話係更重嘅身體。

而家如果要捐血，你最少都要有118磅㗎！！！！！

所以希望大家如果係符合資格嘅話，都可以去幫手捐吓血啦！

好多朋友都需要你哋嘅幫助㗎！

要知道更多有關捐血嘅資料，請到http://www.bloodservices.ca/瀏覽。