講啲事實俾大家聽啦：

1. 夏天期間，因為有好多朋友會出外旅遊，而且旅行嘅時間比較長，引致捐血人士相對其他季節更低。

2. 放暑假，好多中學／大專／大學生都唔會返學，所以平日好多人去嘅校園流動捐血中心亦被逼暫停。

3. 平均每60秒就會有人需要輸血。

4. 今年嘅血庫嘅需要將會比去年增加2%，即係話我哋需要額外9,000個單位嘅血。

5. 單單今年，我哋已經需要增加85,000名新嘅捐血者，先至可以維持捐血數量！

咁你話，係咪好應該快啲去捐血呢！其實捐血無論係對捐血者同埋受益人同樣有好處，我自己就覺得捐完血之後身體好咗嘞！連皮膚都靚埋㗎！所以希望你都加入捐血人士嘅行列啦！

如果想知道多啲有關捐血嘅資料，點樣捐，或者去邊度捐嘅話，你可以去www.bloodservices.ca睇吓。

另外，我哋使者協會亦參加咗加拿大血液中心嘅"Partners For Life" 運動。我哋答應會喺今年內會最少捐15包血㗎！所以好需要大家嘅「一臂之力」！只要你去捐血嘅時候話俾佢哋聽你係Partners For Life嘅一份子，然後喺佢哋個大大嘅Binder度搵番"Ambassadors For Christ"嗰張紙，再簽自己個名上去，我哋名下就會捐多一包血㗎啦！

希望你都快啲出手相助啦！