唔係阿fa...
尋晚放工返屋企，去到門口發現門外面嘅地氈全部濕哂，心諗：唔係唔記得閂水喉吖嘛... 入到屋，竟然發現屋企變咗個熱帶雨林，熱水由天花板一直滲落嚟，有啲滴吓滴吓，有啲直情好似開水喉咁...
原來係因為樓上爆熱水喉，仲要一次過爆兩條㖭！終於攪到我全個廳濕哂！
不過要感謝神嘅，係事件只係發生咗半個鐘我就返到屋企處理，而且整濕嘅都唔係好重要嘅物件，而且剩係濕咗廳嘅位置，如果啲水入埋房就大件事喇...
最搞笑嘅係，我竟然仲有心情影相...
ok啦，管理處話會幫我哋重新洗地氈，同埋順便修理埋其他地方，咁咪當屋企洗太平地囉...
今日屋企嘅情況
強力地氈吸水機
全部收埋喺櫃嘅嘢拎哂出嚟...原來我唔覺唔覺都賣咗幾多嘢喎...
TMC 2011 Fall 
