前個禮拜，我哋訪問大肚婆璧璧嘅時候，有位好心嘅聽眾黃先生打電話上嚟同我哋分享有關照顧小朋友嘅心得。我哋預備咗份禮物俾黃先生，但係可能因為電話線路問題，我哋仲未聯絡到佢。

如果黃先生見到呢個Message，又或者如果你識得呢位黃先生，請你打電話(604-278-0642)或者email俾我哋吖！我哋有份禮物喺度俾佢㗎！

多謝哂！

可以彈琴唔等於可以作曲，可以作曲唔等於可以作詞，但係如果可以做哂以上咁多樣就梗係好啦！
假若你好想試吓自己創作屬於自己嘅歌曲，再籍著詩歌黎去榮耀神，但可惜有心無力嘅話，不如黎上呢個「曲詞創作工房」。將你嘅夢想實行啦！

下載傳單

今個星期日就係我哋嘅Coffee House 啦！你登記咗未呢？如果仲未嘅話就快啲啦！

今次嘅Coffee House 將會以嘻笑怒駡嘅形式，講吓英雄到底係天下無敵，定係有心無力？同你講吓乜嘢先至係「英雄好漢/看」！到時一定好開心，好好玩！

如果要訂位嘅話，可以直接打電話嚟使者登記。我哋嘅電話係604-278-0642。或者你可以email俾我哋又得！不過名額有限，記住快啲登記啦！剩番幾日就係嘞！

尋日，因為間屋俾人撞咗，跟住架車又困住喺車房，所以我就要用另外嗰架車車屋企人去保險公司辦手續嘞。

搞掂之後，諗住返工啦，點知行行吓大塞車：

見到有警車燈眨吓眨吓，我都知道唔對路㗎嘞。

原來真係撞車，不過睇落好似無人受傷。

不過連續兩日見到啲咁嘅事，都唔好話唔驚...

一名年青人，駕駛一輛輕型貨車，懷疑因為速度太快，於閃避對頭車輛時失去控制，剷向旁邊民居，令兩間獨立房屋嚴重受損。

最麻煩嘅係...其中一間係我間屋嚟㗎！

當收到家姐嘅電話，我就即刻返屋企，跟住就見到好多好多人同埋警察／警車圍住我間屋。

跟住我家姐同我講，佢話架Pick-up truck 撞埋屋嘅時候，佢啱啱入咗車房，諗住上車去Lighthouse傳福音，點知就見到個車房門拍咗入嚟，跟住仲要全屋停哂電㖭！

本來我家姐係早啲出門口㗎，但係因為有個朋友叫佢遲啲先出，所以先無事。如果佢早半分鐘出門口都唔得掂呀！

真係感謝神！

btw，當我哋喺度行行企企嘅時候，有新聞記者訪問我哋㗎！所以應該你哋會喺電視見到我家姐嘅。

以我哋所見，揸車嘅係一個中學生（如果無睇錯），同一班朋友一齊嘅。後來個司機嘅呀媽嚟咗，仲幫個仔去架車度攞番個書包㖭。

好在今次無人受傷，如果唔係就真係得人驚嘞！

所以真係要奉勸大家一句，揸車記住要小心呀！

1.《工力悉敵》
答案A：一個人工作能力很高，勝過其他的對手
答案B：兩個人的功力不相伯仲，分不出高低

2.《汗牛充棟》
答案A：形容一個人藏書量很多
答案B：形容一個人工作很辛苦

3.《河漢斯言》
答案A：兩隊軍隊對壘時所達成的重要協議
答案B：形容一個人吹水唔抹咀

4.《兩面三刀》
答案A：形容有間諜／內鬼
答案B：形容一個人挑撥離間

5.《又成畫餅》
答案A：形容再次失敗
答案B：形容一個人工作始終不設實際

本集精彩內容：
• 超級深奧成語 ﹣你識幾多？
• 甚麼是：白駒過隙？一衣帶水？又弱一個？下里巴人？太阿倒持？及鋒而試？戶限為穿？生張熟魏？付之丙丁？米珠薪桂？伯道無兒？
• 老爺占和阿May的白痴成語曲解！

阿May開咪前玩自拍

資料搜集準備充足

好多電話阿！

偷影接線生（因為一有鏡頭他們就縮低！）

香港來的參觀者Audrey。Welcome to Canada!

老爺占的小紅帽（做完節目就可以去探外婆啦！）

想繼續玩，請到超難成語大挑戰！

熱線電話：604-280-1320

想知道更多BB的消息，可以到養豬人的網站。

本集精彩內容：
• BB真的存在嗎？
• 第一次聽到BB的心跳
• 照顧BB的準備

全世界大合照！原來今日在直播室外仲有好多人架！

阿May和阿可好奇地察看璧璧的大肚子

真係會郁架！

更多關於璧璧的BB的消息，請到養豬人Blog

係咪覺得呢牌霹啪959好似無乜我哋主持人嘅 update 呢？其實係因為我哋有好多好多 events 正在發生緊，尋晚去完一間教會做 Jubilization，今晚 Annual Dinner，聽日開始一連三日去 Camp... 另外仲有我哋嘅執行董事主席 Alfred Lam 同埋總幹事 Gabriel Chan 喺多倫多遠道而嚟呢！所以只係因為大家都非常忙，未得閒同大家 Update我哋嘅情況啫，唔駛擔心！

雖然好多嘢做，不過都想同大家分享一下前一牌一個都幾特別嘅經歷：

話說，我哋使者協會嘅「雀躍者」敬拜讚美隊每個月都會有Gathering嘅。咁有一個星期，我去咗呢間果菜店買菜，煮飯俾大家食吖嘛。

到俾錢嘅時候，因為我無Cash，所以就俾 Credit Card 囉。點知佢部刷卡機碌極都碌唔到，就算我俾其他卡佢碌，佢都話有 error。終於攪到要個好似 Manager咁樣嘅人嚟搞，但係始終都係搞唔掂。

啲菜又入哂袋，乜都攪掂，只係差末俾錢。本來以為佢會叫我去ATM攞錢啦，點知個 Manager 話：

「得啦，你聽日先番嚟俾錢啦。」

...... 吓？

話就話我唔係買咗好多菜，不過都成7個幾㗎！竟然今時今日嘅溫哥華，一間打開門做生意嘅鋪頭，都仲會有呢種香港六、七十年代嘅信任同埋人情味！

只見收銀員已經繼續為其他顧客服務，我就攞住價值7個幾嘅菜，無俾錢，就走咗嘞。

至於我之後有無返去俾番錢？你估吓！

... 乜我似啲貪小便宜周圍扼飯食嘅人咩？梗係有啦！

不過我去同個哥哥仔講，話我想俾返尋日張單啲錢嘅時候，佢都覺得有啲不可思議，仲講咗句：「吓？咁都得？」

當你在沒有預計之下得到如此這般厚待嘅時候，真係只能衷心講一句：

恩典實在太美麗！

很多人不會作曲和作詞，其實不是因為他們不能，只是因為他們不知道原來自己也可以！透過認識一些基本的觀念，並努力地練習，其實你也可以創作屬於自己的歌曲。
在這個年代，我們需要更多的基督徒創作能真誠地表達他們的生命的歌曲，好叫世界能透過藝術去接觸神。我們也需要更多的基督徒創作能表達出信仰的深度的歌曲，好叫教會的屬靈生命能被挑戰和建立。
不要錯過這個機會。

日期：2006年10月7日星期六
時間：下午1:30-5:30pm
地點：使者學生中心
費用：C-Roommate會員$15，非會員$30
對象：適合所有青年基督徒參加，不需懂得彈奏樂器
使用語言：粵語

報名請電604.278.0642。名額有限。

講員簡介
Andrew Chow 周淦棪先生
使者協會音樂事工義務幹事
雀躍者The Jubilant音樂總監

Alan Yu 余子麟先生
使者協會學生事工幹事
雀躍體驗Jubilization監製
曾創作詩歌包括：如若沒有神，基督的使者，牧羊人沒有忘記，同步人間，回到世界中心

下載傳單

繼上次《美女變野獸》大受歡迎後，我們再度推出《英雄好看》！至於內容講些甚麼，當然是要賣個關子，到時來便包你有驚喜！

如果想與未信的朋友輕輕鬆鬆過一晚，有個好地方可以飲杯野傾下偈，就千萬要早些準時在九月十五日打電話604-278-0642訂位啦！如果你是C-Roommate會員，仲可以提早到九月八日訂位！

下載Poster

過得很愉快的一晚。一面看的時候我一面帶著微笑。Kit問我為何這樣笑？
其實我很感動。當看見幾個年青人在台上很享受的在玩音樂，在分享他們的創作，我為他們能在主裡找到自己而感恩。
One Arm Bear，要繼續努力啊！

from LifeClever and
FashionistaTV.com

使者學生中心嘅全新Podcast 終於面世啦！

使者學生中心除咗有一直為學生提供全面嘅網上資料庫之外，而家仲有一個新嘅Podcast ﹣「讀書理想點」㖭！只要去到iTunes嘅Podcast 度用"讀書理想點"或者"pp" 搵keyword（用番PP959吖嘛），就會搵到呢個新Podcast啦！裡面會不斷有好多同讀書有關嘅資料提供俾大家，所以希望大家多多支持！

如果你有朋友都想知道呢啲同讀書有關嘅資料，可以邀請佢Subscribe 去呢個Podcast 吖！唔該哂！

只要你捐血後8個星期，就可以再捐血啦！所以我就約咗下個禮拜五(September 15)去Richmond捐血。

我睇都係叫唔郁阿榮㗎嘞，不過今次我會叫埋阿Joh 去，哈哈！

你都快啲去Book 時間啦！Canadian Blood Servie 電話：1-888-2DONATE (即係1-888-236-6283)

華叔過去多年來,在爭取香民主的路途上,有很多不同的貢獻.在他眾多的政見和實踐方法上,有的我支持,有的不完全認同,有的我不明白.
但對這位長輩當仁不讓,擇善固執的精神,我深感敬佩.

在近日不同的烽煙節目中,他應付了很多「維園阿伯」(原來有不少移居到溫哥華),也談了很多自己的心路歷程.
其中有一席話令我印象深刻的,就是有人問他對「愛國」的理解,華叔的回答是:「愛國包括三個範圍:愛人民,愛文化,愛河山.」
他跟著再解釋,大意是(經過我的理解和記憶):愛人民是要真心關注人民的生活.愛文化就是要學習並傳遞傳統中寶貴的精髓.愛河山不只是去遊山玩水,而是要落實地環保.

今日,在加拿大,除了為加拿大的冰球隊打氣之外,我們還有什麼愛國表現?

"culture is not the substitute for life, but the key to it."

在我們所生活的周圍，大部份人都非常注重文化。
著衫有文化。
食有文化。
你所揸的車，都會表達文化。

但什麼是文化？文化是一樣別人告訴你的標準？或是一樣你表達自己的方法。
人，可以冇文化嗎？什麼人才算有文化？

大家想想。