大學生的學習進度
前兩年,香港多間大學的迎新會被人鬧到飛起,而且仲係非常抵鬧.
事關那些迎新會上充斥了淫詞妄語,甚至有色情橫額,濕身水戰等等無聊玩意.如果唔知係大學迎新會,仲以為係夜總會搞三級意淫派對.不過知道了是大學的迎新會,一樣覺得好無聊,只不過再加上痛心疾首的感覺.
不過,過去已過去,今年剛舉行的中文大學迎新營,就再無性騷擾的字句和遊戲出現.
那今年的中大迎新營有什麼看頭呢?
在迎新營中,你會見到約1500個大學生.人頭湧湧,氣氛熱鬧,四社互相叫喊,鬧對方係「新亞病夫」,「縮頭狗」,「頹癈垃圾」等等,內容唔再意淫,但仍保持粗鄙,羞辱,和人身攻擊的幼稚風格.
我真係好想知道,班大學生唔再玩色情,係因為校方當他們細路仔般嚴密監管的結果,抑或是他們真的明白到玩意淫乃損害人性尊嚴,學會了尊重別人,尊重自己?
抑或其實他們仲未明白到「創意」與「騎呢」,「開放」與「放縱」,「出位」與「出軋」,「言論自由」與「亂嗡一通」之間的分別?
點都好,正面一點看,雖然進度緩慢,但今次迎新營已有了一丁點的進步.希望下年的進步會顯注一點啦!
更多其他討論@仁仁睇新聞
